Rais wa Yanga Injinia Hersi Said amesema mwaliko waliopata kushiriki sherehe za Uhuru huko Malawi ni ishara ya heshima kubwa ambayo timu hiyo inapewa nje ya nchi
Hersi ameongoza msafara wa Yanga ambao umeondoka mapema leo kuelekea Malawi ambako Alhamisi watacheza mechi ya Kimataifa ya kirafiki dhidi ya Nyasa Big Bullets katika maadhimisho ya sherehe za Uhuru wa Malawi
"Ni heshima kubwa kwa Klabu ya Yanga kushiriki kwenye matukio makubwa kama haya, wote tunajua sherehe namba moja kwenye nchi ni uhuru"
"Sisi kualikwa ni heshima kubwa kwa Yanga na inaonyesha utayari wa Mataifa mengi kushirikiana na Yanga. Tanzania kuna Klabu nyingi wangeweza kualikwa, ni heshima kubwa sana sisi kualikwa tunawashukuru watu wa Malawi," alisema Hersi
Kikosi cha Yanga kimeondoka nchini leo kwa Ndege maalum ambayo itawarudisha baada ya mchezo dhidi ya Nyasa Big Bullets hapo kesho
Msafara wa Yanga haujawajumuisha baadhi ya wachezaji muhimu wa kikosi cha kwanza wakipewa mapumziko baada ya msimu wa mafanikio 2022/23
Yanga itaingia rasmi kambini Julai 10 kuanza maandalizi ya msimu mpya
