Katika jambo ambalo viongozi wa Yanga wamefanikiwa sasa ni kuachana na ile kasumba iliyozoeleka kuwa pre-season lazima ifanyike nje ya nchi
Baada ya changamoto walizokutana nazo Morocco mwaka juzi, msimu uliopita Yanga ikaamua kuweka kambi Avic Town
Kambi hiyo ilikuwa na mafanikio makubwa kwani Wananchi walifanikiwa kutetea mataji yote ya ndani pamoja na kucheza fainali ya kombe la Shirikisho barani Afrika
Julai 10 wachezaji wa Yanga wanatarajiwa kuripoti Avic Town kukiwa na uwezekano mkubwa kuwa msimu huu pia kambi itakuwa hapo
Afisa Habari wa Yanga Ali Kamwe amesema uamuzi wa wapi wataweka kambi watautangaza baada ya wachezaji na kocha kuwasili
Ndani ya Avic Town kuna kila kitu ambacho timu ya mpira wa miguu inahitaji kwa ajili ya maandalizi
Ni hapo Avic Town Yanga imefanya maandalizi yake na kufanikiwa kushinda mataji sita katika misimu miwili
Kwa sasa kwenda kuweka kambi nje ya nchi sio sifa tena
