Kamusoko ashukuru mashabiki kwa uvumilivu

Kiungo Thabani Kamusoko ni miongoni mwa wachezaji waliosafiri na kikosi cha Yanga kwenda nchini Botswana kuikabili Township Rollers kwenye mchezo wa marudiano ligi ya mabingwa barani Afrika.

Kupitia ukurasa wake wa mtandao wa Instagram, Kamusoko amewashukuru mashabiki wote waliokuwa nae bega kwa bega tangu kipindi kigumu cha majeruhi.

"Nawashukuru nyote mliokuwa nami wakati wote wa shida. Nilikuwa na wakati mgumu nilipokuwa majeruhi. Sikuwa na furaha kwa sababu hii ndio kazi yangu," amesema Kamusoko.

"Wakati wa shida ndio unaweza kuwafahamu rafiki zako wa kweli. Kwa sasa naendelea vizuri na ninayo furaha kurejea tena dimbani."

"Nawashukuru nyote. Kidogo kidogo itakaa sawa"