Winga wa Yanga Bernard Morrison amedhamiria kuwa Mtanzania baada ya kuanza mchakato wa kubadili uraia wake
Morrison amethibitisha kuwa alituma maombi Wizara ya mambo ya ndani tangu mwaka 2021 akiomba uraia wa Tanzania ili aweze kuichezea timu ya Taifa
Morrison alitua nchini kwa mara ya kwanza mwishoni mwa mwaka 2019 akiwa miongoni mwa wachezaji wa mwanzo kusajiliwa na GSM, Rais wa Yanga Injinia Hersi Said akifanikisha kumleta nchini
Morrison hajawahi kuficha mapenzi yake kwa nchi ya Tanzania na mara kadhaa amenukuliwa akisema anatamani kuishi Tanzania hata pale atakapostaafu kucheza soka
Nyota huyo mwenye vituko vingi hatakuwa mchezaji wa kwanza kuomba uraia wa Tanzania katika misimu ya karibuni
Mshambuliaji wa Simba Kibu Denis alibadili uraia wa DR Congo mwanzoni msimu wa 2021/22 na kuwa Mtanzania sasa akiichezea timu ya Taifa ya Tanzania 'Taifa Stars'
