Fiston Mayele kwa sasa ni habari ya mjini Afrika! mchezaji aliyepata mafanikio makubwa zaidi katika soka la Afrika msimu huu
Mayele amefunga bao katika kila mashindano aliyoshiriki msimu huu. Mfungaji bora Ligi Kuu, NBC, mfungaji bora kombe la Shirikisho barani Afrika, kafunga mabao mawili kwenye kombe la Shirikisho la Azam (ASFC) na mabao saba katika hatua za awali Ligi ya mabingwa msimu uliomalizika
Jana akiwa kwenye majukumu ya timu ya Taifa ya DR Congo, Mayele aliwatetemesha kina Hennock Inonga kwa bao maridani katika mchezo wa kuwania kufuzu Afcon 2023 katika ushindi wa mabao 2-0 ambao DR Congo waliupata dhidi ya Gabon
Utaelewa kwa nini kuna watu hawapendi kumuona Mayele akiendelea kubaki Yanga kwani wanafahamu sasa mchezaji bora huyo wa Ligi Kuu ya NBC amekamilika na huo moto wake hakuna wa kuuzima!
Rais wa Yanga Injinia Hersi Said amesema watafanya kila linalowezekana kumbakisha Mayele katika mitaa ya Twiga na Jangwani
