Mabingwa wa soka Tanzania Bara Yanga leo wamealikwa Ikulu ya Tanzania na Rais Dk Samia Suluhu Hassan kupata chakula cha jioni na kupongezwa kwa mafanikio waliyopata katika mashindano ya kombe la Shirikisho barani Afrika
Hafla hiyo iliyofanyika Ikulu jijini Dar es salaam, imewakutanisha wadau mbalimbali wa soka nchini
Akizungumza katika hafla hiyo, Rais wa Tanzania Dk Samia Suluhu Hassan ameipongeza Yanga kwa kufanikiwa kucheza fainali ya kombe la Shirikisho (CAF CC)
Dk Samia amesema Yanga inastahili pongezi kwa mafanikio hayo ambayo yameitangaza vyema Tanzania
Amewataka Watanzania kuziunga mkono timu za Tanzania zinapocheza Kimataifa kwani sifa ni Tanzania na utani ubaki kwa michuano ya ndani
Katika hatua nyingine, Rais wa Yanga Injinia Hersi Said amemuomba Rais Samia kuwaongezea eneo la kujenga uwanja Jangwani
Hersi amesema tayari wamekamilisha maandalizi ya awali ikiwa ni pamoja na michoro ya uwanja wanachosubiri ni ruhusa kuanza rasmi ujenzi wa uwanja. Dk Samia amelichukua ombi hilo na kuahidi kulifanyia kazi
Dk Samia pia ameiagiza klabu ya Yanga kutatua mgogoro unaomuhusu mchezaji Feisal Salum 'Fei Toto'
