Afisa Habari wa Yanga Ali Kamwe amewataka Wanachama na Mashabiki wa timu hiyo waweke mawazo yao katika mchezo wa fainali kombe la Shirikisho dhidi ya USM Alger ambao utapigwa Jumapili, May 28 katika uwanja wa Benjamin Mkapa
Kamwe amesema wananchi hawana sababu ya kuyumbishwa na tetesi za usajili zinazosambazwa mitandao nyingine zikiwa na lengo la kuwaondolea 'focus' kuelekea mchezo dhidi ya USM Alger
"Nimeona huko mtandano kuhusu tetesi za Kocha Nabi na mshambuliaji wetu Fiston Mayele kuwa wanawaniwa na timu kubwa"
"Niwahakikishie Wananchi Nabi na Mayele tayari wako kwenye timu kubwa hivyo hawana sababu ya kuondoka. Timu kubwa zinacheza fainali ya michuano ya CAF, Yanga ni miongoni mwa timu kubwa kwani tunacheza fainali ya Shirikisho"
"Pia nimeona tetesi zinazohusiana na mshambuliaji wa Afrika Kusini (Ranga Chivaviro), jambo la uhakika ni kuwa tumesajili mshambuliaji kutoka Afrika Kusini kama alivyosema Rais (Injinia Hersi) katika mahojiano yake na Robert Marawa, tutamfahamu wakati wake utakapofika"
"Kwa sasa tuweke mawazo yetu kwenye mchezo wa fainali ya kihistoria kwa timu yetu. Tuendelee kununua tiketi," alisema Kamwe
Yanga imeingia kambini kujiandaa na mchezo dhidi ya USM Alger ambao Wananchi wamedhamiria kushinda
