Ni siku tano zimesalia kuelekea mchezo wa kihistoria fainali ya kombe la Shirikisho barani Afrika Yanga ikichuana na USM Alger ya Algeria, Jumapili May 28 katika uwanja wa Benjamin Mkapa
Kwa nini isiwe sisi? Ni swali ambalo limetumika kama kauli mbiu kuelekea mchezo huo. Inafahamika Mataifa yenye asili ya kiarabu yametawala soka la Afrika kwa miaka mingi
Fainali ya Ligi ya Mabingwa Wydad Casablanca wanachuana na Al Ahly wakati kombe la Shirikisho Yanga wanachuana na USM Alger
Katika fainali hizo, ni Yanga pekee ambayo itawakilisha Mataifa yote yasiyo na asili ya Kiarabu na hapa ndipo Mwananchi unapaswa kuamini kama wao wanaweza basi hata sisi tunaweza
Wakati huu iwe LAZIMA kombe la Shirikisho libaki kwenye ardhi ya Tanzania, hivyo Mwananchi hupaswi kukosa mechi hii ya kihistoria
Ili kutwaa ubingwa Yanga lazima imalize mechi nyumbani kwani inafahamika ni ngumu sana kupata matokeo ya ushindi ugenini hasa kwa nchi hizi za kiarabu inapofika hatua kama hizi za fainali
Pamoja na kuwa msimu huu Yanga imekuwa na matokeo mazuri katika mechi za ugenini, lakini ni lazima kujihakikishia ushindi mnono nyumbani ili mechi ya ugenini iwe ya kulinda ushindi na kukamilisha ratiba
