Wakati Yanga ilipotinga nusu fainali ya kombe la Shirikisho barani Afrika huku watani zao Simba wakiondoshwa kwenye hatua ya robo fainali ya michuano ya ligi ya mabingwa, kuna watu waliamua kujifariji kupitia kiasi cha pesa ambazo kila timu itavuna katika hatua waliyofikia
Huko kwenye mitandao ya kijamii zilitawala takwimu zilizoonyesha Simba atavuna Bil 1.5 na Yanga Bil 1.1 na kuaminishana kuwa michuano ya Shirikisho ni midogo hata kifedha
Lakini wakati huu hutaziona tena hizo takwimu kwani baada ya kutinga fainali ya Shirikisho, Wananchi wamejihakikishia kuvuna 'mkwanja' wa maana
Mpaka sasa Yanga imejihakikishia kuvuna Tsh Bilioni 1.9 na kama Yanga itatwaa ubingwa basi itavuna Tsh Bilioni 4.7
Juu ya pesa za CAF, Yanga itavuna zaidi ya Bil 1.5 kutoka kwa Wadhamini wao kampuni ya Haier ambapo Rais wa Yanga Injinia Hersi Said alibainisha kuwa pesa watakayolipwa na Haier zitaongezeka kwa kuzingatia hatua ambayo watafikia katika michuano hiyo
