Yanga kuivaa Kagera Sugar kesho

Baada ya kukamilisha mchezo wa mzunguuko wa kwanza ligi ya mabingwa barani Afrika dhidi ya Township Rollers na kupoteza kwa mabao 2-1, kikosi cha Yanga kesho Ijumaa kitashuka kwenye uwanja wa Taifa kuikabili Kagera Sugar kwenye mchezo wa ligi kuu ya Vodacom, mzunguuko wa 21.

Afisa Habari wa Yanga Dismas Ten amesema maandalizi kuelekea mchezo huo yamekamilika na amewataka mashabiki kujitokeza kwa wingi kwenye uwanja wa Taifa ili kuipa sapoti timu yao.

Ten amesema Yanga inahitaji ushindi ili kupunguza tofauti ya pointi dhidi ya Simba kuendelea kuweka hai matumaini ya kutetea ubingwa kwa msimu wa nne mfululizo.

Baada ya matokeo mabaya kwenye mchezo wa ligi ya mabingwa, bila shaka kikosi cha Yanga kitapambana ili kuibuka na ushindi wa kishindo kuwafuta machozi mashabiki wake