Yanga vs Rivers United, nusu fainali inawezekana

Kikosi cha Yanga kimerejea jijini Dar es salaam kikiwa na mtaji wa mabao 2-0 ushindi waliopata huko Nigeria kwenye mchezo wa mkondo wa kwanza, robo fainali kombe la Shirikisho la CAF

Jumapili April 30 2023, Yanga itashuka uwanja wa Benjamin Mkapa kukamilisha mchezo wa mkondo wa pili dhidi ya Rivers United Wananchi wakihitaji ushindi au matokeo yoyote ya sare ili kutinga nusu fainali

Yanga ina nafasi ya kuweka historia ya kutinga nusu fainali ya michuano hiyo, itapendeza zaidi kama mafanikio hayo yatafikiwa mbele ya mashabiki 60,000

Mashabiki wa Yanga wameaswa kununua tiiketi zao mapema ili kuwa sehemu ya historia hii ambayo Wananchi wanakaribia kuiweka