Kapteni 'Nondo' Mwamnyeto

Nahodha wa Yanga Bakari Nondo Mwamnyeto leo amedhihirisha anaweza kufanya zaidi ya majukumu yake katika safu ya ulinzi

Mabao mawili yaliyofungwa na Yanga katika mchezo wa mkondo wa kwanza robo fainali kombe la Shirikisho la CAF dhidi ya Rivers United, yamepita mguuni kwake

Mwamnyeto alipiga pasi mpenyezo kwa Mayele kwenye dakika 71, akafunga bao lake la nne katika michuano hiyo msimu huu

Katika dakika ya 83 Mwamnyeto tena akashiriki kwenye shambulizi la kushitukiza lililofanywa na Yanga na kwa mara nyingine akamtengenezea Mayele kufunga bao la pili kwa Yanga likiwa la tano kwake katika michuano hiyo

Mwamnyeto leo anastahili kuwa nyota wa mchezo kwani pamoja na kushiriki katika mabao yote, pia alifanya kazi kubwa kwenye safu ya ulinzi