Yanga Princess yarejesha ari ya ushindi

Baada ya mwenendo usioridhisha katika mechi kadhaa zilizopita, Yanga Princess leo imerejesha ari ya ushindi baada ya kuichapa Baobab Queens mabao 2-0 katika mchezo uliopigwa uwanja wa Uhuru

Cuta na Blessing Nkor walifunga mabao ya Yanga Princess ambao yamewafanya Wananchi wafikishe alama 25 katika nafasi ya nne

Yanga Princess inayonolewa na kocha wa muda Fred Mbuna imepania kumaliza msimu kwa heshima kwani nafasi ya kutwaa ubingwa ni finyu

JKT Queens wanaongoza ligi wakiwa na alama 34, alama tisa zaidi ya Yanga Princess huku zikiwa zimesalia mechi nne ligi kumalizika