Fiston Mayele tayari amethibitisha pasipo shaka kuwa yeye ni mshambuliaji bora kwa sasa ndani ya ligi kuu ya Tanzania Bara
Msimu huu ameweka kambani mabao 15 akiwa na nafasi ya kuongeza mabao yake katika mechi zilizobaki kuhitimisha msimu
Katika mashindano yote Mayele amefunga mabao 28. Amepachika mabao nane mechi za mtoano ligi ya mabingwa, amepachika mabao matatu kwenye kombe la Shirikisho na pia alifunga mabao mawili katika mchezo wa Ngao ya Jamii dhidi ya Simba mwanzoni mwa msimu
Mayele amefunga kila aina ya goli katika mabao hayo 28 aliyopachika. Ubora wake umempatia nafasi ya kuitwa kikosi cha timu ya Taifa ya DR Congo kwa mara ya kwanza katika mechi za kuwania kufuzu Afcon 2023 akipata nafasi ya kucheza katika mechi zote mbili
Kwa sasa Mayele ni kipimo cha mshambuliaji katika ligi ya Tanzania Bara, hivyo usishangae unaposikia anafananishwa na wengine
Sio dhambi kufananisha, lakini ukizungumzia ubora Mayele tayari amedhirisha ubora wake kwenye soka la Tanzania akifunga zaidi ya mabao 44 katika misimu yake miwili na Yanga
