Klabu ya Yanga imeondoka nchini leo Alhamisi kuelekea DR Congo ambako wanakabiliwa na mchezo wa kombe la Shirikisho dhidi ya TP Mazembe
Mchezo huo wa kuhitimisha hatua ya makundi, utapigwa Jumapili, April 02 katika dimba la TP Mazembe, saa 10 jioni
Ni mechi muhimu kwa Yanga kusaka ushindi ili kujiweka katika nafasi nzuri ya kumaliza kinara wa kundi D
Msafara wa Yanga utajumuisha Mashabiki ambao wanakwenda kuongeza hamasa DR Congo leo ikiwa siku ya mwisho kujiandikisha zoezi likitarajiwa kufungwa saa 10 jioni
Meneja wa masuala ya Digitali, Priva Abiudi Shayo 'Privaldinho' amesema wakiwa DR Congo wanatarajiwa kuzindua tawi rasmi la klabu hiyo katika Mji wa Lubumbashi
Zaidi ya Wananchi 50 kutoka DR Congo wamejiandikisha kuwa Wanachama wa Yanga ambapo Privaldinho amesema watakabidhiwa kadi zao kwenye hafla ya uzinduzi wa Tawi hilo
Msafara wa Mashabiki wa Yanga unatarajiwa kuondoka jijini Dar es salaam kesho Alhamisi kuelekea DR Congo ambapo watakuwa huko kwa siku tatu, timu itarejea nchini April 03 baada ya mchezo dhidi ya TP Mazembe
