Makamu wa Rais wa Yanga Arafat Haji amesema wamefanya uwekezaji mkubwa katika Yanga Princess ili kuhakikisha timu hiyo inaimarika na kutwaa mataji
Arafat amesema mwenendo wa timu sio mzuri lakini anaamini wako katika njia sahihi keulekea mafanikio ya kweli
"Binafsi naridhishwa na maendeleo yao lakini nikiri kuna changamoto bado timu haijatulia kwa namna ambavyo tunataka wananchi, niseme jambo moja kuunda timu sio kitu cha usiku mmoja, sote tunajua jinsi tulivyounda hii timu yetu kubwa ambayo sasa tunajivunia"
"Mtaona jinsi tulivyoanza kwa kufanya usajili mkubwa kwa kuleta wachezaji wenye uzoefu na wanaochezea mataifa yao, lakini la pili tukalazimika kufanya mabadiliko ya benchi la ufundi kwa kuleta kocha mwingine, hizi zote ni hatua za kujenga kitu kilichoimara, sasa tupo katika kuwachia makocha wafanye kazi zao lakini pia wachezaji kuzoea mazingira.
"Ukitazama ligi utaona hatujaachana sana na wanaongoza msimamo wa ligi, ukiniuliza nafasi ya ubingwa tutakubaliana kwamba bado ipo lakini tumewaachia makocha wetu kazi ya kuhakikisha klabu inafikia malengo yao wakati huu utawala nao tukitimiza wajibu wetu," alisema Arafat
Baada ya kulazimishwa sare ya bao 1-1 dhidi ya Simba Queens, kikosi cha Yanga Princess kinachonolewa na kocha Sebastian Nkoma kinashika nafasi ya nne kikiwa na alama 22 alama tano nyuma ya watani zao Simba Queens wanaoshika nafasi ya tatu
Fountain Gate Princess inaongoza ligi ikiwa na alama 29 ikifuatiwa na JKT Queens yenye alama 28
