Kikosi cha Yanga kinaendekea kujifua Avic Town kujiandaa na mchezo wa kombe la Shirikisho dhidi ya US Monastir ambao utapigwa Jumapili, March 19 katika uwanja wa Benjamin Mkapa
Mechi muhimu kwa Yanga ikihitaji matokeo ya ushindi ili kuweza kutinga robo fainali ya michuano hiyo
Mashabiki na Wanachama wameendelea kuhamasishwa ili wajitokeze kwa wingi uwanja wa Benjamin Mkapa kuwaongezea ari wachezaji wao katika mapambano ya kusaka ushindi
Umuhimu na ukubwa wa mechi hii pia inatosha kuwa hamasa kwa mashabiki kwani ni shauku ya kila Mwananchi kuona Yanga inatinga robo fainali
Huu unaweza kuwa msimu mzuri sana kwa Yanga katika michuano ya Shirikisho kama itafanikiwa kushinda siku ya Jumapili
Wananchi wakishajihakikishia kutinga robo fainali, watakuwa na nafasi ya kupambana kuwania uongozi wa kundi D
Faida ya timu inayomaliza kinara wa kundi ni kuanzia ugenini mechi ya kwanza ya robo fainali na kisha kucheza mechi ya pili nyumbani
Lakini pia mshindi wa kwanza wa kundi atacheza na mshindi wa pili wa kundi jingine katika hatua ya robo fainali
Mpangilio huu unatoa ahueni kwa timu kinara wa kundi na kuwa na nafasi nzuri ya kutinga nusu fainali
Rais wa Yanga Injinia Hersi Said amesema dhamira ya uongozi wake ni kuona Yanga inakuwa timu ya kwanza kuleta taji la michuano ya CAF nchini Tanzania
Hakuna jambo lisilowezekana, msimu huu Yanga inafanya vizuri, hivyo INAWEZEKANA
