Mashabiki na Wanachama wa Yanga leo wamejitokeza kwa wingi katika tukio kubwa la hamasa kuelekea mchezo wa kombe la Shirikisho dhidi ya US Monastir ambao utapigwa Jumapili, March 19 katika uwanja wa Benjamin Mkapa
Tukio hilo lilifanyika Manzese likiambatana na burudani kutoka kwa Wasanii mbalimbali wakiongozwa na Rais wa Manzese, Madee
Pia Wananchi walijipatia zawadi mbalimbali kutoka kwa Rais wa Yanga Injinia Hersi Said pia wakipata nafasi kuwauliza maswali viongozi wao pamoja na kuzungumza na wachezaji kupitia mawasiliano ya simu
Jumapili itakuwa siku ya kipekee kwa mashabiki wa Yanga, hakikisha unanunua tiketi yako mapema ili uwe sehemu ya Historia itakayokwenda kuandikwa pale uwanja wa Benjamin Mkapa Yanga ikihitaji ushindi ili kutinga robo fainali ya michuano ya kombe la Shirikisho barani Afrika
