Nkane arejea kikosini baada ya kupona majeraha

Winga Denis Nkane amerejea mazoezini baada ya kupona majeraha ya nyonga yaliyomuweka nje tangu mwishoni mwa mwezi Disemba, 2022

Nkane alikaa nje kwa kipindi kisichopungua wiki sita akiuguza jeraha hilo la nyonga ambalo Daktari wa Yanga, Moses Etutu alithibitisha kuwa ilivunjika mfupa mdogo na kusababisha nyonga kujikunja lakini sasa yupo fiti na tayari kwa mapambano.

"Niko vizuri sasa, na siku yeyote mtaniona uwanjani nikicheza kwani nimepona tayari, alisema Nkane

Wakati Nkane akirejea, habari nyingine njema kwa Wananchi ni urejeo wa Benard Morrison ambaye pia ameanza mazoezi kuelekea mchezo dhidi ya US Monastir siku ya Jumapili