Msemaji wa zamani wa klabu ya Yanga Haji Manara ambaye bado yuko ndani ya kifungo cha TFF, amesema mafanikio ambayo Yanga inapata sasa hayakutokea kwa bahati mbaya
Manara amesema uwekezaji wa kifedha na rasilimali watu ni moja ya sababu ya kuiweka Yanga hapo ilipo
"Idadi ya Watumishi wa Yanga ni kubwa mara mbili ya idadi ya Watumishi wa klabu nyingine zinazoshiriki ligi kuu ya Tanzania"
"Kiufupi Yanga imetoa ajira katika kila idara inayotakiwa katika kuendesha football, ikiwa na Wafanyakazi wa kutosha wenye mikataba sahihi"
"Ukiona mambo yanaenda basi nyuma yake kuna hilo kundi ambalo ndio linalosimamia kazi za kila siku za Taasisi hiyo kubwa zaidi ya kispoti nchini"
"Alama nane juu zaidi katika msimamo wa ligi, nafasi ya pili kwenye msimamo wa CAF, Bingwa Mtetezi wa Mataji yote nchini na yale yote yanayofanyika nje ya uwanja, yanapaswa kuwe na Management imara na iliyoshiba kama hii," aliandika Manara kwenye ukurasa wake wa mtandao wa kijamii
