Jumapili Februari 19 ni siku kubwa kwa mashabiki wa Yanga katika mchezo wa kombe la Shirikisho dhidi ya TP Mazembe
Hii ni mechi muhimu kwa Wananchi kushinda ili kuweka hai matumaini ya kusonga mbele hatua ya robo fainali katika michuano ya kombe la Shirikisho barani Afrika
Katika michuano hii kila timu imewekeza nguvu kubwa nyumbani ili kuhakikisha inavuna alama tatu
Tofauti na nchi nyingine, CAF imeruhusu mashabiki 'full house' katika mechi zinazopigwa Tanzania
Yanga inawahitaji mashabiki wake 60,000 kuujaza uwanja wa Benjamin Mkapa siku ya Jumapili
Shabiki ni mchezaji wa 12 uwanjani, hakuna namna TP Mazembe wanaweza kutoka salama mbele ya Yanga huku uwanja mzima ukizizima kelele za Wananchi
Hakikisha umekamata tiketi yako mapema, usisubiri dakika za mwisho...!
