Kikosi cha Yanga kimerejea mazoezini leo baada ya mapumziko siku moja wakitoka kupata ushindi wa bao 1-0 dhidi ya Ruvu Shooting katika mchezo wa ligi kuu
Kocha Mkuu wa Yanga Nasreddine Nabi ameongeza 'session' za mazoezi kuhakikisha vijana wake wanakuwa 'fit' kuelekea mechi za hatua ya makundi ya michuano ya kombe la Shirikisho barani Afrika
Wachezaji wamekuwa wakifanya mazoezi mara mbili kwa siku, asubuhi wakifanya mazoezi utimamu wa mwili na jioni kucheza mpira
Ikumbukwe Mikiki mikiki ya hatua ya makundi ya michuano ya kombe la Shirikisho barani Afrika inatarajiwa kuanza katika kipindi cha wiki mbili zijazo
Februari 12 Yanga itakuwa nchini Tunisia kuumana na US Monastir katika mchezo wa kwanza wa makundi
Mechi tatu zitapigwa mwezi Februari, mechi mbili March na mechi ya mwisho kupigwa April 2023
Baada ya kuwakabili US Monastir, Wananchi watarejea nyumbani kuikabili TP Mazembe February 19 kisha kupaa nchini Mali kuikabili Real Bamako February 26
Katika mwezi Februari pia Yanga inatarajiwa kucheza mechi mbili za ligi kuu dhidi ya Namungo Fc na KMC
Baada ya kufanikisha malengo ya awali ambayo ni kutinga hatua ya makundi, Yanga imepania kutinga robo fainali ya michuano hiyo
