Yanga kujipima na Transit Camp Avic Town

Kikosi cha Yanga leo kinatarajiwa mchezo wa kirafiki dhidi ya Transit Camp ambao utapigwa Avic Town, Kigamboni

Mchezo huo ni sehemu ya maandalizi ya kikosi cha Yanga kuelekea mchezo wa kombe la FA dhidi ya Rhino Rangers ambao utapigwa Jumapili, Januari 29 katika uwanja wa Benjamin Mkapa, saa 1 usiku

Meneja wa Yanga Walter Harrison amesema mchezo huo ni sehemu ya maandalizi kwa ajili ya kuwakabili Rhino Rangers

Baada ya ushindi wa bao 1-0 dhidi ya Ruvu Shooting, wachezaji wa Yanga walipewa mapumziko ya siku moja na leo wamerejea mazoezini

Mchezo dhidi ya Transit Camp utawapa nafasi wachezaji ambao hawakutumika katika mchezo dhidi ya Ruvu Shooting