Kuna msemo wao Wananchi kuwa mchezaji akisajiliwa Yanga kuna kitu huongezwa juu ya uwezo wake na kitu hicho kinabakia Yanga pale anapoondoka
Katika mechi mbili alizoitumikia Yanga kwenye ligi, kiungo Mudathir Yahya ameonekana kuwa mchezaji wa tofauti kabisa na yule Mudathir aliyeitumikia Azam Fc kwa miaka mingi
Pengine huu msemo wa Wananchi una ukweli ndani yake! Mudhathir ni moja ya wachezaji bora katika kikosi cha Yanga
Mudathir ameongeza kitu cha ziada kwenye safu ya kiungo, mahiri sana kwenye 'kukata umeme'!
Fundi huyu ana uwezo mkubwa wa kupiga pasi fupi na ndefu, anaweza kutumika kama kiungo mkabaji, au 'box to box'
Jana katika mchezo dhidi ya Ruvu Shooting, pasi yake kwa Kennedy Musonda ilizaa bao pekee la Yanga, mlinzi wa Ruvu Mpoki Mwakanyuki akijifunga
Kocha Mkuu wa Yanga Nasreddine Nabi alimuhitaji Mudathir baada ya Feisal kujiengua kikosini, majibu yameanza kuonekana
