Mlinda lango Metacha Mnata amewaomba radhi mashabiki wa Yanga huku akiwaomba wampokee kwa mara ya pili wakati akirejea kutoka klabu ya Singida Big Stars
Metacha ambaye usajili wake umekamilishwa jana muda mfupi kabla ya dirisha la usajili kufungwa kwa kuzingatia mahitaji ya benchi la ufundi, ameahidi kupambana ili kuhakikisha anatimiza malengo ya klabu na pia kuwapa furaha mashabiki
"Nikiwa kama mpambanaji nafahamu nilifanya makosa hapo nyuma, naomba mnisamehe na mnipokee. Metacha wa sasa sio yule wa nyuma, naahidi nitapambana ili kuhakikisha Yanga inapata matokeo mazuri. Mimi ni Mwananchi na nitaendelea kuwa Mwananchi," alisema Metacha
Metacha amerejea Yanga kwa mkopo mpaka mwishoni mwa msimu akitokea klabu ya Singida Big Stars, aliyojiunga nayo mwanzoni mwa msimu huu akitokea klabu ya Polisi Tanzania
Katika msimu huu akiwa na Singida Big Stars, Metacha amekusanya 'cleansheet' sita
