Yanga inaelekea visiwani Zanzibar kushiriki michuano ya kombe la Mapinduzi ambapo mchezo wao wa kwanza watacheza Jumatano, Januari 04 dhidi ya KMKM kwenye uwanja wa Amaan
Baada ya kombe la Mapinduzi kuhitikishwa Januari 13, Wananchi watarejea katika kampeni ya kutetea ubingwa wa ligi kuu ambapo watashuka dimba la Mkapa Januari 16 kuikabili Ihefu Fc
Huu ni mchezo wa kisasi, Ihefu Fc ndio timu pekee iliyoifunga Yanga msimu huu na kusimamisha rekodi ya kutopoteza mchezo baada ya mechi 49
Kama Kocha Mkuu wa Yanga Nasreddine Nabi atachanga karata zake vyema, Wananchi wanaweza kutetea ubingwa wao mapema tu
Yanga itacheza mechi saba mfululizo kwenye uwanja wa Benjamin Mkapa kabla ya kuelekea mkoani Singida kuikabili Singida Big Stars
Baadae watarejea tena Dar kucheza na Dodoma Jiji kisha kusafiri mkoani Mbeya kukamilisha msimu kwa mechi dhidi ya Mbeya City na Tanzania Prisons
Katika mechi 11 zilizobaki ni mechi tatu tu zitakazopigwa nje ya Dar
