Yanga yajifua uwanja wa Majimaji

Kikosi cha Yanga kiliwasili Songea mchana kwa usafiri wa Ndege na jioni kimejifua katika uwanja wa Majimaji tayari kwa mchezo wa kesho Jumapili kombe la FA dhidi ya wenyeji wao Majimaji.

Hali ya uwanja sio nzuri sana lakini uwanja huo uko hivyo miaka yote. Wachezaji wameshuhudiwa wakipasha miili yao wakiwa na furaha, ari tayari kwa mtanange huo kesho.

Yanga inasaka tiketi ya kutinga robo fainali ya michuano hiyo ambayo bingwa wake ataiwakilisha Tanzania Bara kwenye michuano ya kombe la Shirikisho Barani Afrika.

Aidha Bingwa wa ASFC anajinyakulia kitita Sh Mil 50 zinazotolewa na wadhamini wa michuano hiyo kampuni ya Azam.