Afisa Habari wa Yanga Ali Kamwe ametamba kuwa mashabiki wa timu hiyo wanapaswa kulindana kwa kutembea wawili wawili kutokana na aina ya usajili wanaokwenda kufanya katika dirisha hili dogo
Katika dirisha hili dogo Yanga imehusishwa na nyota kadhaa huku jana ikithibitisha kuwahitaji wachezaji wawili wa Azam Fc James Akaminko na Kipre Junior
Pamoja nao, Yanga pia inahusihwa na winga wa Al Ahly Luis Miquissone na kiungo wa Vipers Fc Bobos Byaruhanga
Kamwe amesisitiza kauli aliyotoa Rais wa Yanga Injinia Hersi Said kuwa watasajili nyota wawili au watatu wa daraja la juu ambao wataongeza zaidi ubora wa kikosi
"Nakwambia usajili tunaokwenda kufanya katika dirisha hili utatuongezea maadui. Wanachama na Mashabiki wetu wahakikishe wanalindana kwa kutembea wawili wawili kwani maaduni wataongezeka," alitamba Kamwe
Bado mashabiki wa Yanga wanasubiri kwa hamu kuona wachezaji watakaosajiliwa lakini jambo la uhakika ni kuwa ahadi ilitolewa na Rais Injinia Hersi, ambaye hajawahi kuwaangusha Wananchi linapokuja suala la usajili
