Msemaji wa zamani wa klabu ya Yanga Haji Manara amewataka mashabiki wa timu hiyo wampokee kwa mikono miwili kiungo wao Feisal Salum 'Fei Toto' ambaye yuko mbioni kurejea kuendelea na majukumu yake katika kikosi cha Yanga
Juzi baada ya ushindi wa mabao 3-2 dhidi ya Azam Fc, baadhi ya mashabiki wa Yanga walisikiki wakiimba kuwa 'Fei Toto aondoke' huku wengi wao wakitoa maoni kuwa hawamuhitaji tena kwa sababu Yanga ni kubwa kuliko yeye
Ni baada ya jaribio lake la kuvunja mkataba ili ajiunge na Azam Fc kukwama kwa kile kilichoelezwa na wanasheria kuwa hakufuata taratibu
Manara amesema baada ya mazungumzo ya kina na Feisal, mchezaji huyo bora wa michuano ya kombe la FA msimu uliopita, ameridhia kubaki Yanga huku uongozi wa mabingwa hao wa nchi wakiboresha maslahi yake
Manara amesema mashabiki hawapaswi kuwa na jazba zaidi wakijikite kwenye uhalisia na yeye binafsi anasubiri kwa hamu kumuona Feisal akiendelea na majukumu yake
