Baada ya kugawa dozi ya tatu tatu kwa Polisi Tanzania na Coastal Union hapo jana, Jumapili Disemba 25 katika sikukuu ya xMas Wananchi watakuwa uwanja wa Benjamin Mkapa kupepetana na Azam Fc katika mchezo wa ligi kuu ya NBC
Bado ni mapema sana kuzungumzia ubingwa wa 29 kwa Yanga lakini baada ya mchezo huu, Wananchi huenda wakaanza kuona dalili za ubingwa
Ni alama tatu muhimu sana kwa Yanga katika mpango wa kutetea ubingwa kwa msimu wa pili mfululizo
Mpaka sasa Yanga iko kileleni mwa msimamo wa ligi ikiwa na alama 44, alama nane zaidi ya Azam Fc inayoshika nafasi ya tatu. Azam Fc leo itacheza na Geita Gold huko Nyankumbu
Katika mtanange dhidi ya Yanga, Azam Fc watakuwa wenyeji wa mchezo huo ambapo imeelezwa kuwa wameomba upigwe uwanja wa Mkapa badala ya dimba lao la Azam Complex
Mchezo wa duru ya kwanza ulimalizika kwa matokeo ya sare ya mabao 2-2 Feisal Salum 'Fei Toto' akifunga mabao yote ya Yanga katika mchezo huo
Ni huyuhuyu Feisal ambaye tetesi nyingi zimemuhusisha na Azam Fc, atakwenda kuwawinda tena siku ya Jumapili
