Fiston Mayele ameendeleza ufalme wake wa kuzifumania nyavu kwenye ligi kuu ya NBC leo akifunga mabao mawili katika ushindi wa mabao 3-0 ambao Yanga wameupata dhidi ya Costal Union
Krosi murua ya Joyce Lomalisa na pasi mpenyezo kutoka kwa Stephane Aziz Ki zilipelekea Mayele kufunga mabao hayo sasa akifikisha mabao 13
Msimu uliopita alifunga mabao 16 lakini leo ukiwa mchezo wa 17, Mayele tayari ana mabao 13. Ni wazi atavunja rekodi yake ya mabao ya msimu uliopita
Bao la tatu katika mchezo huo ambao Yanga ilitawala kwa muda mwingi lilifungwa na Feisal Salum akimalizia pasi ya Aziz Ki. Feisal amefikisha mabao sita msimu huu
Ni ushindi ambao unazidi kuikita Yanga kileleni mwa msimamo wa ligi baada ya kufikisha alama 44
ADVERTISE HERE
