Baada ya ushindi wa mabao 3-0 dhidi ya Polisi Tanzania hapo jana, Wananchi watakuwa na siku mbili za mapumziko kabla ya kurudi tena uwanja wa Benjamin Mkapa kwa ajili ya mchezo mwingine wa ligi kuu
Ni siku ya Jumanne, Disemba 20 Yanga itakuwa mwenyeji wa Coastal Union katika mtanange mwingine ambao alama tatu kwa Yanga zitaendelea kuwasogeza Wananchi hatua moja kuelekea ubingwa wa 29
Disemba 25 siku ya xMas itakuwa siku ya kukata mzizi wa fitina kwani Yanga watachuana na Azam Fc katika mchezo mwingine muhimu
Yanga inaongoza ligi ikiwa na alama 41 baada kucheza mechi 16 ikifuatiwa na Azam Fc inayoshika nafasi ya pili ikiwa na alama 36 baada ya kucheza mechi 16
Simba inashika nafasi ya tatu ikiwa na alama 34 baada ya kucheza mechi 15, leo wakitarajiwa kucheza na Geita Gold jijini Mwanza
