Wakati dirisha dogo la usajili likiwa limefunguliwa rasmi, Afisa Habari wa Yanga Ali Kamwe amewataka mashabiki wa timu hiyo kujitokeza kwa wingi uwanja wa Benjamin Mkapa siku ya Jumamosi katika mchezo wa ligi kuu dhidi ya Polisi Tanzania
Kamwe amesema wamewaandalia sapraizi mashabiki siku ya Jumamosi pale uwanja wa Benjamin Mkapa
"Dirisha dogo la usajili limefunguliwa kuna sapraizi gani? mnavyojua sisi Wananchi hatuna jambo dogo, huenda tarehe 17 Jumamosi tukashusha sapraizi moja pale uwanja wa Benjamin Mkapa"
"Usikae nyumbani, usisubiri kuona sapraizi ya Yanga kwenye Instagram njoo mapema Benjamin Mkapa upate kila kitu ambacho unastahili kupata kama Shabiki au Mwanachama wa Yanga," alisema Kamwe
Dirisha dogo la usajili limefunguliwa rasmi usiku wa kuamkia leo na litafungwa Januari 15 2023
