Msako wa alama tatu unaendelea Mbeya leo

Kikosi cha Yanga kiko mkoani Mbeya ambapo jioni ya leo watashuka uwanja wa Highland Estates kuikabili Ihefu Fc katika mchezo wa ligi kuu ya NBC

Ni mchezo mwingine muhimu kwa Yanga kuwania alama tatu ili kuendelea kujikita kileleni mwa msimamo wa ligi

Kocha Msaidizi wa Yanga Cedric Kaze amesema watawakabili Ihefu Fc kwa tahadhari kubwa licha ya nafasi waliyopo katika msimamo wa ligi

Katika mchezo wa leo Yanga itawakosa wachezaji wanne ambao wana changamoto za majeruhi

Djuma Shaban, Feisal Salum, Farid Mussa na Bernard Morrison wote wanakosekana huku nahodha Bakari Nondo Mwamnyeto nae akiwa na asilimia 50 za kutumika katika mchezo huo