Alama tisa za kufunga duru ya kwanza

Kesho Jumanne Yanga itashuka uwanja wa Sokoine kuikabili Ihefu Fc katika mchezo wa ligi kuu ya NBC

Ni mechi ya 13 kwa Yanga ambayo bado itakuwa na mechi nyingine mbili kukamilisha mzunguuko wa kwanza

Baada ya kumalizana na Ihefu, Yanga itarejea Dar kuikabili Tanzania Prisons Disemba 04 kabla ya kusafiri Ruangwa kuwafuata Namungo Fc

Hesabu za Yanga katika mechi hizi ni kuvuna alama 9 ili kuendelea kujichimbia kileleni mwa msimamo wa ligi

Aidha, ushindi katika mchezo wa kesho dhidi ya Ihefu Fc, utaihakikishia Yanga kumaliza mechi za duru ya kwanza ikiwa kileleni mwa msimamo wa ligi

Kama Yanga itaendeleza kasi waliyonayo, pengine msimu huu wanaweza kutetea ubingwa wao mapema sana