Kapteni 'Baker' yuko fiti

Nahodha wa Yanga Bakari Nondo Mwamnyeto afya yake imeimarika baada ya changamoto ya kupumua aliyoipata kwenye mchezo wa ligi kuu dhidi ya Dodoma Jiji

Mwamnyeto alishindwa kuendelea na mchezo kwenye kipindi cha kwanza baada ya kupata tatizo la kubanwa na mbavu

Taarifa ya kitabibu iliyotolewa na daktari wa Yanga imebainisha kuwa tatizo hilo lilitokana na uchovu wa mwili baada ya kucheza kwa kutumia nguvu nyingi

Mwamnyeto alipewa huduma palepale uwanjani na baadae kupewa mapumziko

Baada ya changamoto za hapa na pale, Mwamnyeto sasa amerejea katika ubora wake akirudi katika nafasi yake na kuipa faida Yanga hasa kwa Yannick Bangala ambaye anaweza kutumika katika nafasi ya kiungo mkabaji