Unaweza kusema Singida Big Stars leo wamedandia mtumbwi wa vibwengo kwani wamewakuta Wananchi wakiwa katika ubora wao na kukubali kipigo cha mabao 4-1 katika mchezo wa ligi kuu uliopigwa uwanja wa Benjamin Mkapa
Baada ya kucheza mechi tano pasipo kutetema, Mayele ameondoka na mpira akifunga mabao kwenye dakika za 16, 27 na 56
Ikawa siku nzuri kwa Kibwana Shomari pia aliyefunga bao la tatu la Yanga dakika ya 48 kabla ya Mayele kuhitimisha kalamu ya mabao
Bao pekee la kufutia machozi kwa upande wa Singida Big Stars lilifungwa na Meddie Kagere
Yanga ilikuwa bora siku ya leo katika kila idara, unaweza kusema mabao manne yalikuwa machache kulinganisha na idadi ya nafasi ambazo Yanga walitengeneza
Ni ushindi ambao umewarudisha Yanga kileleni mwa msimamo wa ligi baada ya kufikisha alama 26
