Mshambuliaji wa Yanga Fiston Mayele kesho Alhamisi anatarajiwa kuwaongoza Wananchi katika mchezo wa ligi kuu dhidi ya Singida Big Stars. Mchezo huo utapigwa uwanja wa Benjamin Mkapa, saa 1 usiku
Mayele amecheza mechi tano za ligi pasipo kufunga, lakini ni suala la muda tu pengine 'atatetema' katika mchezo dhidi ya Singida Big Stars hapo kesho
Kocha Mkuu wa Yanga Nasreddine Nabi amesema Mayele ni mshambuliaji bora na ataendelea kumtumia kwani hata asipofunga mchango wake katika timu ni mkubwa
"Mayele ni mchezaji mzuri na mkubwa anapitia wakati mgumu tu kwa sasa ambayo ni wachezaji wengi wakubwa wanaupitia bado ananafasi ya kufanya vizuri nitaendelea kumtumia kwenye mechi zilizo mbele yetu"
"Alikuwa ni mfungaji bora katika timu yetu msimu uliopita uwepo wake tu uwanjani unaongeza nguvu na pamoja na kutokufunga amekuwa bora kwenye majukumu ambayo nimekuwa nikimpa ayafanye ni suala la muda atafunga na atarudi kwenye ubora ambao amekuwa akiuonyesha tangu ametua Tanzania," alisema Nabi
Kwenye ligi kuu msimu huu Mayele amefunga mabao matatu akizifunga Polisi Tanzania, Coastal Union na Mtibwa Sugar
Alifunga mabao saba kwenye mechi za mtoano ligi ya mabingwa na alipachika mabao mawili kwenye mechi ya Ngao ya Jamii dhidi ya Simba hivyo kumfanya awe amefunga mabao 12 katika mshindano yote mpaka sasa msimu huu
