Baada ya mapumziko ya takribani siku tatu, Yanga itarejea dimbani siku ya Alhamisi kuikabili Singida Big Stars katika mchezo wa ligi kuu ya NBC
Ni mtanange wa kukata na shoka ambao utapigwa uwanja wa Benjamin Mkapa, saa 1 usiku
Hakuna shaka vijana prof Nasreddine Nabi watarejea katika ubora wao kuwakabili Singida Big Stars katika mchezo ambao ushindi ni muhimu
Baada ya kurejea Dar kutoka Mwanza hapo jana, wachezaji walipewa mapumziko na walitarajiwa kurudi mazoezini leo kujiandaa na mchezo huo
Yanga iko kileleni mwa msimamo wa ligi ikiwa imekusanya alama 23 baada ya kushuka dimbani mara tisa
Ushindi katika mchezo huo utawahakikishia kuendelea kubaki juu kwenye msimamo licha ya kucheza mechi chache kuliko washindani wake wa karibu Azam Fc na Simba
