Rais wa klabu ya Yanga Injinia Hersi Said amesema kuelekea hatua ya makundi kombe la Shirikisho barani Afrika, watafanya maboresho ya kikosi dirisha dogo litakapofunguliwa ili kuimarisha maeneo yenye mapungufu
Hersi amesema wana nafasi ya kufanya vizuri katika michuano hiyo kutokana na aina ya droo ambayo inatarajiwa kufanyika huko Misri
"Tumeingia makundi, ilikuwa ndoto ya kila Mwanayanga kuona tunafuzu hatua hiyo lakini tufahamu huko hatutakuwa peke yetu tutakutana na timu ambazo zina ubora hivyo tutahitaji kujipanga vizuri"
"Mtendaji Mkuu atasafiri kwenda Misri kuhudhuria droo ya hatua ya makundi ambayo itafanyika sikua ya Jumatano, tuko katika poti ya 2, tutapangwa na kigogo mmoja kutoka poti ya 1 halafu timu nyingine kutoka poti ya 3 na 4"
"Utaona tunayo nafasi ya kuweza kufanya vizuri katika michuano hiyo, tutaimarisha kikosi chetu dirisha dogo litakapofunguliwa ili kuwa bora zaidi," alisema Hersi
