Droo Ligi ya Mabingwa, Shirikisho Jumatano

Droo ya hatua ya makundi michuano ya ligi ya mabingwa barani Afrika na kombe la Shirikisho, itafanyika keshokutwa Jumatano huko Misri

Droo hiyo itafanyika saa 7 mchana, Azam Tv watarusha tukio hilo 'mbashara'

Yanga ni miongoni mwa timu 16 ambazo zitapangwa katika makundi manne ya timu nne nne kwenye kombe la Shirikisho

Yanga imewekwa katika poti ya 2 ikiwa pamoja na Motema Pembe, AS FAR, na US Monastir ambao waliwaondoa mabingwa watetezi RS Berkane

Timu ambazo ziko kwenye poti moja hazitakutana kwenye hatua ya makundi ambapo kila kundi litakuwa na timu moja kutoka kila poti

Poti ya 1 ina timu za TP Mazembe, Pyramids, Asec Mimosas na USM Alger

Yanga itapangwa kundi moja na timu yoyote kutoka poti ya 1,3 na 4