Rais wa klabu ya Yanga Injinia Hersi Said amesema wamewakabidhi wachezaji jukumu la kuhakikisha wanapambana kwenye mchezo dhidi ya Club Africain ili kuweza kushinda mchezo huo na kufuzu hatua ya makundi ya michuano ya kombe la Shirikisho barani Afrika
Hersi amesema walifanya kikao na wachezaji ambapo amewataka wapambane katika mchezo huo kuwapa furaha mashabiki wao ambao wana kiu ya kuiona timu yao ikitinga hatua ya makundi ya michuano hiyo
"Tulifanya kikao kirefu na wachezaji na tuliwaambia hakuna mtu anaweza kutupa matokeo hapa Tunisia isipokuwa wao"
"Mashabiki na Wanachama wanataka kuona timu yao inasonga mbele hivyo ni lazima wapambane," alisema Hersi
Yanga imekamilisha maandalizi ya mwisho katika uwanja wa Hammedi Agrebi Olympic, wakianza mazoezi saa 12 jioni kwa saa za Tunisia muda ambao mchezo utapigwa
