Yanga kuifuata Geita Gold Ijumaa

Mabingwa wa soka Tanzania Bara, Yanga wataondoka jijini Dar es salaam kesho Ijumaa kuwafuata Geita Gold tayari kwa mchezo wa ligi kuu ya NBC ambao utapigwa siku ya Jumamosi, Oktoba 29

Afisa Habari wa Yanga Ali Kamwe amesema licha ya ugumu wa ratiba, wamejipanga kupata ushindi dhidi ya Geita Gold siku ya Jumamosi

Yanga itaondoka jijini Dar es salaam mapema na kuwasili jijini Mwanza majira ya saa moja asubuhi

Yanga itakuwa na siku moja ya kufanya mazoezi katika uwanja wa CCM Kirumba tayari kwa mchezo huo

Baada ya ushindi wa bao 1-0 dhidi ya KMC hapo jana, Yanga imejikita kileleni mwa msimamo wa ligi baada ya kufikisha alama 17