Hakuna mbabe uwanja wa Benjamin Mkapa. Ndivyo unavyoweza kusema baada ya Yanga na Simba kutoshana nguvu kwa matokeo ya sare ya bao 1-1 katika mchezo wa ligi kuu
Augustine Okrah aliitanguliza Simba kwa bao la kuongoza kwenye dakika ya 15 akitumia makosa ya safu ya ulinzi ya Yanga ambao walikosa umakini na kumruhusu awazunguke na akamalizia kwa urahisi pasi kutoka kwa Clatous Chama
Yanga iliingia mchezoni taratibu lakini waliweza kurejea mchezo kwa mpira wa adhabu kutoka wa Stephane Aziz Ki aliyepiga shuti lililotinga moja kwa moja kimiani akiwa nje kidogo ya 18
Timu hizo zilikwenda mapumziko zikiwa na sare ya bao 1-1 licha ya Yanga kutawala zaidi kwenye kipindi cha pili lakini bahati ya kutumbukiza mpira kimiani ilikosekana
Ni mchezo wa tatu mfululizo timu hizo zinatoshana nguvu kwenye ligi kuu ya NBC
