Yanga itaondoka jijini Dar es salaam Jumamosi Oktoba 15 saa 10 Alfajiri na itawasili nchini Sudan Jumamosi hiyohiyo majira ya saa 5 asubuhi
Jioni ya siku hiyo Yanga itafanya mazoezi kwenye uwanja wa Al Hilal ambao utatumika siku ya Jumapili saa 2 usiku
Rais wa Yanga Injinia Hersi Said amesema kuondoka siku ya Jumamosi ni sehemu ya mkakati wao ili kupunguza muda ambao watakaa nchini Sudan
Mkakati huo utawasaidia kukwepa baadhi ya 'hujuma' ambazo hufanywa na wenyeji wao dhidi ya timu zinazokwenda kucheza Sudan
"Tumepunguza idadi ya siku za kukaa Sudan ili kupunguza hizo hujuma, tupo makini katika hii mechi, tuna wachezaji wazoefu ambao wanajua mazingira ya ugenini. Kilichotokea Dar ni sehemu ya matokeo, tumejipanga kupata ushindi ugenini na kutinga hatua ya makundi," alisema Injinia Hersi
Katika mchezo uliopita ambao Al Hilal walicheza na St George hapo Sudan, mashabiki wa timu hiyo waliwafanyia vurugu wachezaji wa St George wakiwa hotelini na baadae wakati timu inaelekea uwanjani
Shirikisho la soka barani Afrika (CAF) limeionya Al Hilal kudhibiti vurugu za mashabiki wao la sivyo wanaweza kudhibitiwa kuingiza mashabiki uwanjani
Msafara wa Yanga utakaoondoka Jumamosi utajumisha watu 51 ambapo wachezaji ni 25, benchi la ufundi 11, viongozi na mashabiki 15
