Mayele ashinda tuzo Afrika

Mtandao wa Foot Afrika umemtangaza mshambuliaji wa Yanga Fiston Mayele kuwa mchezaji bora wa Afrika mwezi Septemba 2022

Mayele ameshinda tuzo hiyo baada ya kupigiwa kura kwa wingi na mashabiki wa soka barani Afrika

Amemshinda Baulaye Dia mshambuliaji wa Kimataifa wa Senagal aliyekuwa akichuana nae kwa ukaribu

Mayele amepata asilimia 37 ya kura zote zilizopigwa wakati Dia akipata asilimia 34

Mayele amekuwa na msimu mzuri mpaka sasa akifunga mabao saba kwenye mechi za hatua ya awali ligi ya mabingwa huku akiweka kambani mabao matatu katika mechi za ligi kuu

Pia alifunga mabao mawili kwenye mchezo wa Ngao ya Jamii dhidi ya Simba na hivyo kuwa amefunga mabao 12 katika mashindano yote