Mashabiki wa Yanga wameanza kufurahia ufundi wa mlinzi wa kushoto, Mcongomani Joyce Lomalisa
Jana katika mchezo wa ligi kuu dhidi ya Ruvu Shooting, Lomalisa aliongoza kwa kutengeneza nafasi kupitia krosi zake za kutokea upande wa kushoto
Katika mchezo huo ambao Yanga iliibuka na ushindi wa mabao 2-1, Wananchi walitengeneza nafasi tano huku tatu kati ya nafasi hizo zilitengenezwa na Lomalisa
Katika krosi 20 ambazo Yanga walipiga, krosi saba zilitoka mguuni kwa Lomalisa, moja ilizaa bao la kwanza lililofungwa na Feisal Salum 'Fei Toto'
Lomalisa amempa kocha Nasreddine Nabi uhuru wa kuamua kimbinu. Anapohitaji timu yake ishambulie zaidi kutokea pembeni, Lomalisa anakuwa chaguo bora zaidi dhidi ya Kibwana Shomari
Lakini akihitaji timu yake izuie zaidi, ni wazi Kibwana anakuwa chaguo sahihi zaidi
