Mtendaji Mkuu wa Yanga Andre Mtine ana historia na CV kubwa inayomfanya kuwa chaguo sahihi kwa Yanga katika nafasi hiyo iliyoachwa na Senzo Mazingisa
Mtine raia wa Zambia anafahamika sana huko kwao (Zambia), amewahi kuwa Mtendaji Mkuu wa Nkana miaka ya 1980 na kuifanya iwe tishio Afrika kabla ya mwaka 2000-2004 alipotinga Power Dynamos ambayo ni klabu pinzani ya Nkana na kuifanya ishinde ubingwa wa Ligi Kuu ya Zambia na pia kubeba mataji matano ya ndani
Pia aliwahi kuitumikia kamati ya fedha ya Shirikisho la Soka Afrika (CAF) kabla ya kutua TP Mazembe alikotumika kwa nafasi mbalimbali ikiwamo kuwa msaka vipaji 'skauti' wa klabu hiyo na kuipelekea timu hiyo nyota walioipa mafanikio makubwa barani Afrika na duniani ikiwamo kufika fainali ya Klabu Bingwa ya Dunia 2010
Mtine pia ana taaluma ya usimamizi wa fedha ambapo aliwahi kuwa Mhasibu na mjumbe wa Kamati ya Utendaji ya Chama cha soka Zambia (FAZ)
Mtine ni mtu wa mipango na taaluma yake ya kiuchumi na kujua soka kwa kiwango cha juu akirithi kipaji cha baba yake Tom Mtine aliyewahi kuwa Rais wa FAZ na mjumbe wa CAF
Yanga inaamini ni mtu sahihi kuchukua nafasi ya Senzo ambaye aliomba kupumzika baada ya kusimamia na kukamilisha mchakato wa Mabadiliko ya mfumo wa uendeshaji wa klabu ya Yanga
