Winga Bernard Morrison hatashiriki michezo mitatu ijayo ya ligi kuu ya NBC baada ya kufungiwa na Bodi ya Ligi kwa kosa alilofanya katika mchezo dhidi ya Azam Fc Septemba 06
Habari njema kwa Yanga ni kuingia kikosini kwa winga Tuisila Kisinda ambaye usajili wake uliidhinishwa na Kamati ya Sheria na Hadhi za Wachezaji licha ya kuwekewa ngumu na TFF hapo awali
Kisinda anatarajiwa kuingia moja kwa moja kwenye kikosi cha kwanza na pengine Oktoba 03 atacheza mchezo wa kwanza wa ligi tangu arejee dhidi ya Ruvu Shooting
Ataungana na Mcongomani mwenzake Jesus Moloko ambaye kiwango chake kimeimarika mara dufu tangu msimu huu ulipoanza
Lakini pia Yanga ina Farid Mussa ambaye msimu huu ameendelea kuwaduwaza Wananchi kwa ubora anaoonyesha katika michezo ya hivi karibuni
Farid amehusika kwenye mabao matatu katika michezo miwili iliyopita pia akifunga bao katika mchezo wa ligi ya mabingwa dhidi ya Zalan Fc
Pamoja na kuwa Morrison atakosa michezo mitatu inayofuata kwenye ligi, adhabu yake haihusiani na michuano ligi ya mabingwa hivyo huko ataendelea kuwakimbiza
Morrison amepona majeraha yaliyomuweka nje kwa wiki kadhaa na sasa anaendelea na mazoezi makali kuelekea mchezo dhidi ya Al Hilal, Oktoba 08
