Klabu ya Yanga imeshusha presha kutokana na urejeo wa kiungo wake tegemeo, Feisal Salum 'Fei Toto' aliyekuwa akisumbuliwa na majeraha ya nyama za paja.
Fei Toto alipata majeraha hayo katika mchezo wa marudiano wa raundi ya kwanza ya Ligi ya Mabingwa Afrika dhidi ya Zalan FC katika Uwanja wa Benjamin Mkapa, Septemba 17 ambao Yanga iliibuka na ushindi wa mabao 5-0.
Majeraha hayo yalimfanya mchezaji huyo kuenguliwa katika kikosi cha timu ya taifa 'Taifa Stars' kwa ajili ya mechi mbili za kirafiki huko Libya dhidi ya wenyeji kesho Jumanne na mwingine dhidi ya Uganda 'The Cranes' uliochezwa juzi.
Meneja wa Yanga Walter Harrison amesema Fei Toto alijiunga na kikosi jana kwa ajili ya kuendelea na maandalizi ya mechi zinazofuata za timu hiyo dhidi ya Ruvu Shooting na Al Hilal.
